#ახალიამბები
ბათუმის საკრებულოს ყოფილმა თანამშრომელმა სამართლებრივი დავა მოუგო. საქმეზე გადაწყვეტილება საქალაქო სასამართლომ მიიღო. გია აბულაძე წარმომადგენლობით ორგანოს პოლიტიკური ნიშნით გათავისუფლებას ედავებოდა.

მოსარჩელე მხარე სამსახურში აღდგენას და ნაცდური ხელფასის ანაზღაურებას ითხოვდა. სასამართლომ ახლა უკვე ექსპრემიერის გუნდის წევრის სარჩელი ორივე ნაწილში დააკმაყოფილა. აბულაძე საკრებულოს აპარატიდან დისციპლინური გადაცდომის მიზეზით, გასულ წელს გაათავისუფლეს, თუმცა თავად ამტკიცებს, რომ ამის მოტივი გიორგი გახარიას შესახებ გაზიარებული პოზიტიური პოსტი იყო.

აპირებს თუ არა საკრებულო გადაწყვეტილების გასაჩივრებას? საპასუხო კომენტარი თემასთან დაკავშირებით არ გაკეთდა.