#ახალიამბები
„ქართული ოცნების“ წევრები თავისსავე დაანონსებულ სხდომაზე არ მივიდნენ. ბათუმის საკრებულო ქვორუმის არ არსებობის გამო ვერ შედგა. დღევანდელ სხდომაზე, მმართველი გუნდი სრული შემადგენლობით არ იყო მისული, დარბაზში არც დამოუკიდებელი დეპუტატი გამოჩენილა. ფაქტს, თენგიზ აფხაზავა, ოპოზიციის მიერ წინასწარ გაკეთებული განცხადებებით ხსნის. დღევანდელ სხდომას „ერთიანი ნაციონალური მოძრაობის”, „ლელოს“ და გახარიას პარტია „საქართველოსთვის“ წევრები არ დაესწრნენ. დეპუტატებს, ახლად არჩეული წევრის, რამაზ ჯინჭარაძის უფლებამოსილება უნდა ეცნოთ, რის შემდეგაც, წარმომადგენლობითი ორგანოს თავმჯდომარე უნდა აერჩიათ. ოპოზიციის ბოიკოტს, ფრაქცია “ქართული ოცნების” თავმჯდომარე დესტრუქციულ ქმედებას უწოდებს. აფხაზავა ამბობს, რომ უნდა გაიმართოს კონსულტაციები და საკრებულოს სხდომა კვლავ ჩაინიშნოს.