#ახალიამბები
"2020 წლიდან საქართველომ სერიოზულად დაიხია უკან იმ ძირითადი დემოკრატიული პრინციპებისა და პოლიტიკური ვალდებულებების კუთხით, რომლებიც მან ასოცირების შეთანხმების ფარგლებში აიღო" - ამის შესახებ ევროპარლამენტის ახალ ანგარიშში წერია. დოკუმენტის თანახმად, ქვეყანაში, მნიშვნელოვნად გაუარესდა კანონის უზენაესობა, რაზეც 2019 წლის ივნისისა და 2021 წლის ივლისის ძალადობრივი ინციდენტების არაეფექტური გამოძიება მოწმობს. ანგარიშში ნახსენებია სახელმწიფო ინსპექტორის სამსახურის გაუქმების შესახებ მიღებული გადაწყვეტილებაც. ევროპარლამენტის დასკვანის მიხედვითვე, საქართველოში მთავარ გამოწვევად სისხლის სამართლებრივი დევნა რჩება. მნიშვნელოვნადაა გაუარესებული მედიის მდგომარეობა.