#ახალიამბები
ბათუმის საქალაქო სასამართლოში, „ერთიანი ნაციონალური მოძრაობის“ სარჩელის განხილვა მიმდინარეობს. ოპოზიცია, შუალედური არჩევნებიდან, რამაზ ჯინჭარაძის კანდიდატურის მოხსნას ითხოვს. ხელისუფლების ოპონენტების მტკიცებით, „ქართული ოცნების“ კანდიდატი ამომრჩევლის მოსყიდვას ახორციელებს. ოპოზიციაში ამბობენ, რომ ჯინჭარაძე, 2019 წლიდან ე.წ „ოცნების ქალაქში“ ბინების განაწილების კომისიის წევრი იყო და წინასაარჩევნო აგიტაციის დროს, მისამართების შეცვლის სანაცვლოდ, ადგილობრივებს ბინებს ჰპირდებოდა. საოლქო საარჩევნო კომისიაში განმარტეს, რომ სარჩელში მოყვანილ გარემოებებს ვერ დაეთანხმებიან, რადგან აღნიშნული ბრალი მყარი მტკიცებულებებით არ დასტურდება.