#ახალიამბები
ბათუმში, გერმანიის რეკონსტრუქციის ბანკის დელეგაცია იმყოფება. დაგეგმილია კომუნალური ინფრასტრუქტურის რეაბილიტაციის პროექტით შესრულებული სამუშაოების შეფასება და მეხუთე ფაზის განხორციელებასთან დაკავშირებული დეტალების განხილვა. ვიზიტის ფარგლებში, ბათუმის მერიისა და გერმანიის რეკონსტრუქციის ბანკის წარმომადგენლებს შორის სამუშაო შეხვედრა გაიმართა. მხარეებმა ქალაქს შემოერთებულ ტერიტორიებზე წყლისა და წყალარინების სისტემების რეაბილიტაციის საკითხი განიხილეს. პროექტის ჯამური ღირებულება 80 მილიონამდე ევროს შეადგენს. ინფორმაცია და ვიდეო მასალასა ბათუმის მერიამ მოგვაწოდა.