#ახალიამბები
„შავი სია“ საქართველოს საზოგადოებრივ მაუწყებლში. ჟურნალისტი, იმედა დარსალია არხის მენეჯმენტის მიერ დაბლოკილი რეპორტიორებისა და თემების სიის ნაწილს ასაჯაროებს. დარსალია, რომლის საავტორო გადაცემა, 2022 წლის თებერვლიდან დაიხურა, ამბობს, რომ არხზე, აკრძალული იყო რუსეთის, საბჭოთა კავშირის და ბელარუსში, ალექსანდრ ლუკაშენკოს კრიტიკა. მისივე განცხადებით, საზოგადოებრივი მაუწყებლის მიერ დაბლოკილია ატლანტიკური საბჭოს ქართული წარმომადგენლობა. ჟურნალისტი თამთა ჯანაძე, რომელიც ქართული შიდა პოლიტიკის საკითხებზე მუშაობს, ამბობს, რომ ჟურნალისტების ნაწილი ცდილობდა, არხის მენეჯმენტის მხრიდან ცენზურის მცდელობებს შეწინააღმდეგებოდა და ხშირად წარმატებასაც აღწევდა. მისი თქმით, წინააღმდეგ შემთხვევაში, საზოგადოებრივ მაუწყებელზე 4 წლის განმავლობაში ვერ იმუშავებდნენ.