#ახალიამბები
„ყველა ძალადობა, რომელიც „ალტ - ინფოს“ ძალადობრივი ჯგუფის ხელით განხორციელდება, იქნება პირადად გომელაურის და ღარიბაშვილის პასუხისმგებლობის საკითხი“ – ეს განცხადება, "ლელოს" დეპუტატმა, ანა ნაცვლიშვილმა გააკეთა. ოპოზიციის წარმომადგენლის შეფასებით, ხელისუფლებას ყველა საკანონმდებლო ბერკეტი აქვს, ორგანიზაციის უკანონო მოქმედებების შეფასებისა და მოქმედებისთვის. ნაცვლიშვილი ბრიფინგით, გუშინ, ქობულეთში, უკრაინის მხარდამჭერ და "ალტ- ინფოს" ოფისის გახსნის საწინააღმდეგო საპროტესტო აქციაზე მომხდარ ძალადობრივ ფაქტებს გამოეხმაურა.