#ახალიამბები
ომის 27-ე დღე უკრაინაში. ისევ გრძელდება ავიაიერიში მშვიდობიან მოსახლეობაზე. ოკუპანტებმა გუშინ, მარიუპოლიდან ევაკუაციის დროს, ბავშვებით სავსე ავტობუსებს ცეცხლი გაუხსნეს. თავდასხმის შედეგად, დაიჭრა 4 მოზარდი. აგრესორების ქმედებებს 5 ადამიანის სიცოცხლე ემსხვერპლა დონეცკში. დაშავდა სულ მცირე 10 მოქალაქე. რაც შეეხება მტრის დანაკარგს, უკრაინის თავდაცვის სამინისტროს ბოლო მონაცემებით, ომის დაწყებიდან დღემდე, 15 ათასი რუსი ჯარისკაცი მოკლეს. უკრაინელებმა ოკუპანტებს 500-მდე ტანკი და 1 500-ზე მეტი ჯავშანტექნიკა გაუნადგურეს.