#ახალიამბები
„ერთიანი ნაციონალური მოძრაობა“ აჭარის უმაღლეს საბჭოს უკრაინის მხარდამჭერი რეზოლუციის დაჩქარებული წესით მიღებისკენ მოუწოდებს. გია აბულაძის განცხადებით, მეგობარი ქვეყანა უკვე 3 კვირაა ფრონტის წინაშეა, ადგილობრივმა ხელისუფლებამ კი, შეკრება და დოკუმენტის დამტკიცება ვერ შეძლო.

მისი შეფასებით, „ოცნების“ ლიდერები საკითხს განზრახ აჭიანურებენ. ნაცმოძრაობის წევრი იმედოვნებს, რომ ხვალ, კომიტეტების სხდომებზე, დეპუტატები რეზოლუციას მხარს დაუჭერენ და ეს დღე ქვეყნის ისტორიაში „ერთიანობის“ სახელით შევა. „ოცნებაში“ კი ამბობენ, რომ გადაწყვეტილებას კომპეტენციების მიხედვით მიიღებენ.