#ახალიამბები
ადვოკატები რუსეთის პირველი არხის დაკავებულ რედაქტორს ვერ პოულობენ. მარინა ოვსიანიკოვა, პირდაპირ ეთერში, ომის საწინააღმდეგო პლაკატით შევიდა.

გავრცელებული ინფორმაციით, დაკავებული ოსტანკინოს პოლიციის განყოფილებაში არაა. "არა ომს! არ დაუჯეროთ პროპაგანდას, აქ თქვენ გატყუებენ!" - ამ შინაარსის პლაკატით, ოვსიანიკოვა რუსეთის პირველი არხზე, მთავარი გამოშვების პირდაპირ ეთერში შევიდა.

მოგვიანებით, ინტერნეტში მისი ვიდეომიმართვა გავრცელდა, სადაც ჰყვება, რომ რცხვენია პროპაგანდაზე მუშაობის გამო. იგი სინანულით აღიარებს, რომ ბოლო წლებში მუშაობდა პირველ არხზე და აკეთებდა კრემლის პროპაგანდას.