#ახალიამბები
ტაქსის კომპანია „მაქსიმი“-ს მძღოლები მუშაობის გაჩერებით იმუქრებიან. ამბობენ, რომ თუ მოქმედ ტარიფებს კომპანია არ გადახედავს და მძღოლებს შემოსავალი არ გაეზრდებათ, მუშაობას, ფიზიკურად ვეღარ შეძლებენ.

კომპანიაში დასაქმებულები ამბობენ, რომ მას შემდეგ, რაც საწვავის ფასი გაორმაგდა, დღის განმავლობაში ფაქტობრივად, მხოლოდ ხარჯების ანაზღაურებას ახერხებენ. მძღოლები დღეს გმირთა ხეივანში შეიკრიბნენ. ადგილზე კომპანიის ბათუმის ოფისის მენეჯერიც ივიდა. მისი განცხადებით, კომპანია ამ ეტაპზე ბაზრის შესწავლას ახორციელებს, რომლის საფუძველზეც მიიღება გადაწყვეტილება, გაიზრდება თუ უცვლელი დარჩება მოქმედი ტარიფი.