შერიგებაზე, სმკ-ს ყრილობა, 1998
შერიგება, ეროვნული თანხმობის მიღწევა და ქვეყნის შიდაპოლიტიკური სტაბილურობა ყოველთვის იყო ედუარდ შევარდნაძის მოღვაწეობის ერთ-ერთი მთავარი მიზანი. მან კარგად იცოდა , რომ მსოფლიოს ცივილიზებული სამყაროს პოლიტიკურ სივრცეში მოხვედრა და მათ მიერ აღიარებული ზნეობრივი თუ სამართლებრივი ნორმების დაცვის გარეშე დემოკრატიული სახელმწიფოს მშენებლობა ძალიან რთული იქნებოდა. იმის მიუხედავად, რომ საქართველოში იმ დროს მიმდინარე პროცესებმა (სამოქალაქო ომი, შეიარაღებული ფორმირებების თარეში, ტერაქტები, ამბოხი, საბოტაჟი) დიდად დააზიანა ქვეყანა და თავად შევარდნაძე, იგი მაინც ცდილობდა ევლო პოლიტიკური თანხმობის გზით. ეს იყო წინსვლისა და განვითარების გზა.
1998 წელს გამართულ საქართველოს მოქალაქეთა კავშირის ყრილობაზე გამოსვლის ვიდეოფრაგმენტშიც ედუარდ შევარდნაძე კვლავ შერიგებაზე საუბრობს.