#პირველ ტურში, ქართული ოცნების ბათუმის მერობის კანდიდატის დამარცხება, თანაგუნდელების აზრით, დემოკრატიულმა არჩევნებმა განაპირობა. თუმცა, ყველას კარგად გვახსოვს, რომ ორი ოქტომბრის კენჭისყრის პროცესზე, მმართველი გუნდის მხარდამჭერების მხრიდან, ხელშეშლის ფაქტებს ჰქონდა ადგილი. კადრებზე დავიქსირდა უბნებთან სამარშრუტო ტაქსებით მათი მობილიზება, წინასწარ გაწერილი სიები და თავდასხმები მედიისა და მესამე სექტორის წარმომადგენლებზე. ამ ფონზე, მმართველ გუნდში ამტკიცებენ, რომ კენჭისყრა თავისუფალ გარემოში ჩატარდა. მათსავე კანდიდატს, 700-მდე ხმით, ი კონკურენტმა აჯობა, რომელსაც ქალაქში ერთი სარეკლამო ბანერიც კი არ ჰქონია.
„ქართული ოცნების“გუნდის ნაწილი კი აღიარებს, რომ მმართველ გუნდს რეიტინგი დაუვარდა და ოპოზიცია დიდ კონკურენციას უწევს. მიუხედავად ამისა, ამომრჩეველს გამუდმებით უმეორებენ, რომ ხელისუფლებაში კიდევ დიდხანს დარჩებიან და მართვის სადავეებსაც ხელიდან არ გაუშვებენ. ფაქტი კი ისაა,რომ ჩიქოვანს ბრძოლა მეორე ტურში უწევს და საბოლოო განაჩენსაც საზოგადოება გამოიტანს.
მმართველ გუნდში ჩიქოვანის დამარცხებას სხვა ოპონენტებსაც აბრალებენ. დეპუტატების თქმით, გაერთიანებულმა ოპოზიციამ ბრძოლა ერთის წინააღმდეგ გამართა და ხმები, მსგავსი შედეგით, სწორედ ამის გამო გადანაწილდა.
რამ განაპირობა არჩილ ჩიქოვანის დამარცხება გამარჯვების მოლოდინის ფონზე? ოპოზიციაში ამბობენ, რომ ოცნების ქარავანი წინ ვეღარ მიდის და მათი დასასრულის დრო მოვიდა. ოპონენტების შეფასებით, მმართველი გუნდის ერთობა შესუსტებულია. მათი თქმით, ქალაქი ცვლილებების მოლოდინშია, სწორედ ამიტომ, 9 წლის შემდეგ ოპოზიციის გამარჯვების მოლოდინი აქვთ.
"ქართული ოცნება" წინასაარჩევნო კამპანიაში აქტიურადაა ჩართული. ქუჩებში მრავალად გვხვდება პარტიის ბანერები და პლაკატები. ამის მიუხედავად, ჩიქოვანის მიმართ მოსახლეობაში კეთილი განწყობები საკამრისად ვერ დაგროვდა. მმართველმა გუნდა მეორე ტურისთვის სამზადისი უკვე დაიწყო. რა შედეგით დასრულდება ორ რაუნდიანი ბრძოლა, 30 ოქტემბერს გაცხადდება.