#მას შემდეგ, რაც მსოფლიომ პანდემიის წინააღმდეგ დაიწყო ბრძოლა, სამყარო ბევრი მნიშვნელოვანი გამოწვევის წინაშე დადგა. ერთ-ერთი ასეთი პრობლემა ცხოვრების გაძვირება გახდა. ამ ფაქტორმა, განსაკუთრებით საქართველოში კი ხალხის ყოფა ძალიან მძიმე გახადა. ბოლო ერთი წლის განმავლობაში პროდუქტზე ფასები კატასტროფულად იზრდება. ისედაც გაღარიბებული ადამიანები კიდევ უფრო ღატაკდებიან . სად არის გამოსავალი და იმოქმედებს თუ არსებული სურათი არჩევნების საბოლოო შედეგებზე? მოქალაქეების აზრი რამდენიმე ნაწილად გაიყო. ია გოლიაძე გიამბობთ

ბათუმის ქუჩებში შემთხვევითობის პრინციპით გამოკითხულთა უდიდესი ნაწილი ფიქრობს, რომ სიტუაცია უკონტროლოა. ბაზარზე ფასების მატებას მოქალაქეები დოლარის კურსის ზრდასა და ლარის ინფლაციას უკავშირებს. მცირე ნაწილი იმასაც არ გამორიცხავს, რომ მოვაჭრეები ფასებს თვითნებურად ზრდიან. შეგვხვდა ისეთიც, ვინც თქვა, რომ შემქნილი სურათი არასწორი პოლიტიკის შედეგია
რა გამოსავალი არსებობს რეალობის შესაცვლელად? მოქალაქეთა ნაწილი პესიმისტურადაა განწყობილი, მიიჩნევს, რომ მოქმედეი ხელისუფლების პირობებში ფასების დასტაბილურების გზის პოვნა არარეალისტურია. გამოკითხულთა მცირე რაოდენობა ამბობს, რომ მთავრობამ არსებული კრიზისიდან გამოსვლაზე ფიქრი უნდა დაიწყოს. გამოკითხულთა ნაწილმა გამოსავალად ეკონომიკის ზრდა დაასახელა.
მოქალაქეებს ასევე ვკითხეთ, იმოქმედებს თუ არა გაზრდილი ფასები გაღარიბებული მოსახლეობის არჩევანზე 30 ოქტომბერს? ნაწილს ქართველი ხალხის გონიერების იმედი აქვს, ნაწილი დარწმუნებულია, რომ იმოქმედებს, ზოგიერთი კი თვლის, რომ ჯერ თავად საზოგადოებაა შესაცვლელი.
პანდემიის დაწყებიდან დღემდე საქართველოში ფასები პროდუქტზე და პირველადი მოხმარების საგნებზე, ყოველთვიურად, კატასტროფულად იზრდება.