ირაკლი ღარიბაშვილი მიხეილ სააკაშვილის საქართველოში დაბრუნებასთან დაკავშირებით განცხადებას ავრცელებს. პრემიერი იმ სავარაუდო ვერსიებზე წერს, რომლის მიხედვითაც შეიძლება აიხსნას, თუ რატომ დაბრუნდა ექსპრეზიდენტი ქვეყანაში. ძალაუფლების დაბრუნების წყურვილი, ეგოიზმი, ნაცმოძრაობის სხვა ლიდერებზე ეჭვიანობა თუ ხელისუფლების გადატრიალების განზრახვა - სწორედ ამ გარემოებების შესახებ საუბრობს მთავრობის მეთაური, საჯაროდ და ამბობს, რომ საზოგადოებაში გავრცელებული მოსაზრებების სია გრძელია. იგი სააკაშვილის ფსიქოლოგიური და ფსიქიკურ მდგომარეობაზეც ამახვილებს ყურადღებას. „გაღიმებული შევიდა ციხეში და ახლა არაფერი ადარდებს გარდა იმისა, რომ როგორმე იქედან გამოვიდეს," - ნათქვამია წერილში.