ნიკა ძამიაშვილი — რამდენიმე ახალი სასიყვარულო ლექსი...

გაზიარება
მაისი 15, 2020
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

სურვილისამებრ, გამოიწერეთ არხი — http://tiny.cc/inkchz
ნიკას ნახატების facebook გვერდი — http://tiny.cc/89vqgz

* * *
შენ ხარ ჩემი სევდიანი ამინდი
ცრემლის გარეშე

მწამს,
ოდესმე შეგეხები
და გამოიდარებ.

* * *
ნუ ჩააწყობ ვაზნებივით ლექსებს
ერთი დიდი ზომის პარკში.
ნუ ცდილობ დაწვა
ან გადაყარო აივნიდან,
რადგან ბოლო ამოსუნთქვამდე
არსებობს იმედი,
რომ ვინმე გიპოვის ქუჩაში
გადაგშლის
და ფეხზე წამოგაყენებს..

* * *
როდესაც ჩემს გვერდით ხარ.
გიყურებ და ვდუმვარ.
არ ვიცი რა გითხრა.

ვუსწრაფებ ფეხს და შენც მომყვები.
ვჩერდები და შენც.

ჩვენ ბევრი გვაქვს სასაუბრო,
მაგრამ ორივე ვდუმვართ.

ჩვენ ერთად ყოფნისას ვკარგავთ საკუთარ თავებს,
რომელსაც ერთმანეთში ვეძებთ,
მაგრამ ვერ ვპოულობთ..

* * *
ჩემს მანძილს მარსამდე
წამებში გავივლი.
შენს ფოტოს
ყოველთვის
მე სულ თან ვატარებ.
ვდგავარ ფანჯარასთან
ჯიბეში ყვავილით.
ოცნება დიდია, სართული პატარა.

მაჩვენე მეტი