სირიელი მამა შვილს დაბომბვისას შიშის დასამარცხებლად სიცილით ეთამაშება. ვიდეოს The Independent ავრცელებს. იდლიბის პროვინციაში, სადაც ამჟამად აქტიური საბრძოლო მოქმედებები მიმდინარეობს, მამაკაცმა შვილს დაბომბვის დროს სიცილი სპეციალურად ასწავლა, რათა თავიდან აეცილებინა ფსიქოლოგიური კრიზისი, რომელიც სხვა ბავშვების შემთხვევაში ჰქონდა ნანახი.

სროლის ხმის დროს, აბდულა ალ-მუჰამედი იცინის და ისე იქცევა, თითქოს ხმაურის მიზეზი ფოიერვერკი ან სათამაშო იარაღია.