გატყობინებთ სასიამოვნო სიახლეს, რომ პარტია ,,კანონი და სამართალი'' დაესწრო ემიგრანტთა ორგანიზებით გამართულ შეხვედრას სასტუმრო ,,რუმსი''-ში, სადაც განიხილებოდა ემიგრაციის და დიასპორის საკითხები. ჩვენ დამსწრე პირებს, პოლიტიკურ პარტიებს და თავად ემიგრანტებს წარვუდგინეთ ჩვენი მოსაზრებები, ემიგრანტთა, როგორც პოლიტიკურ ცხოვრებაში, ისე ეკონომიკურ ცხოვრებში ჩართვის და მათი სამშობლოში ეტაპობრივი დაბრუნება-რეინტეგრაციის რეალური გეგმის მიმართულებით, რომელსაც წლების მანძილზე ვქმნიდი ჩემს თანამოაზრეებთან და პარტნიორებთან ერთად.
გატყობინებთ, რომ პრეზენტაციას დისტანციურად შემოუერთდა მიხეილ სააკაშვილი, რომელსაც გავუზიარეთ პარტიის ხედვა, რომ საპარლამენტო საარჩევნო სიის 5-10 % დაეთმოს ქართულ დიასპორას და წარდგენილ იქნან ემიგრანტები. ჩვენი პარტიის მიზანია, რომ მომავალ პარლამენტში დიასპორის კომიტეტის შემადგენლობაში გვყავდეს რამდენიმე დაბრუნებული ავტორიტეტული ემიგრანტი და სწორედ ამ ადამიანებს მივცეთ შესაძლებლობა საპარლამენტო ცხოვრებაში მაღალ პოლიტიკურ ტრიბუნასთან ხმამაღლა ისმოდეს ემიგრანტის ხმა და შეიქმნას ემიგრანტთა სამშობლოში დაბრუნება-რეინტეგრაციის ეროვნული მექანიზმები.
პარტნიორი პარტიის ერთ-ერთი ლიდერისგან მივიღეთ დასტურიც, რომელსაც მივესალმებით და იგივე ინიციატივას გავუზიარებთ სხვა პარტნიორ პარტიებს ოპოზიციურ გაერთიანებაში ,,ძალა ერთობაშია'', რომ ეს ინიციატივა მხარდაჭერილ იქნას მეტი პოლიტიკური სუბიექტის მიერ.


#ირაკლიღლონტი #პოლიტიკა