პ/გ ,,კანონი და სამართალი''-ს გენერალურმა მდივანმა ირაკლი ღლონტმა მონაწილეობა მიიღო პარტნიორი პოლიტიკური პარტიის და მისი ლიდერის გიორგი ვაშაძის მიერ ორგანიზებულ სტრატეგია „აღმაშენებლის“ მეცხრე თემატური პრეზენტაციაში, რომელიც გაიმართა სასტუმრო „Wyndham Grand Tbilisi“ - ში და მიეძღვნა ქართული სასამართლო სისტემის პრობლემებსა და მისი რეფორმირების საკითხებს.

ირაკლი ღლონტის განცხადებით, პროექტი სტრატეგია ,,აღმაშენებელი'' არის ოპოზიციური სპექტრის ერთ-ერთი ძლიერი მხარე, რომელიც აშკარად აჩენს განსხვავებებს და ოპოზიციის უპირატესობებს ხელისუფლებასთან მიმართებით, აქ, სწორედ ამ სივრცეშიც სჩანს ოპოზიციური სპექტრის ერთიანობა და ინტელექტუალური შესაძლებლობები, რომ სწორად და დემოკრატიულად მოხდეს რეჟიმის ცვლილებისთანვე ქვეყნის ინსტიტუციური რეფორმირება და მისი ადმინისტრირება.

ირაკლი ღლონტის შეფასებით გიორგი ვაშაძის მიერ შემოთავაზებული მოდელი, რომელიც ითვალისწინებს არაერთ ახალ კომპონენტთან ერთად უცხოელი მოსამართლეების ჩართულობას სხვდასხვა ტიპის მნიშვნელოვან საქმეებში, მისასალმებელია, თუმცა მისი აზრით ქართულ სასამართლო სისტემაში ჯერ კიდევ გვყავს ღირსება გაუსხვისებელი დ აპროფესიონალი მოსამართლეები, რომლებიც სწორედ ოპოზიციისგან ელოდებიან ხსნას, რომ დიდხანს არ გაგრძელდეს სისტემის ღრმა კრიზისში ყოფნა.

ირაკლი ღლონტმა კოლეგებს გაუზიარა ახალი ინიციატივა, რომ სასამართლო სისტემაში უნდა რეფორმირდეს ბიზნეს დავებზე დამოკიდებულება და იგი საარჩევნო დავების მსგავსად მაქსიმალურად მოკლე დროში უნდა დაექვემდებაროს განხილვას, ვინაიდან ბიზნეს სექტორისთვის მნიშვნელოვანია დრო, რის გამოც ისინი დღეს პრაქტიკულად არ მიმართავენ სასამართლოს და ხშირად იძულებული არიან დარჩნენ სამართალს მიღმა ან გადაიხადონ უკანონო სანქციები.


#ირაკლიღლონტი #პოლიტიკა