Star Wars-ის ახალი ფილმისათვის, საჰაერო ხომალდის კონცეფცია კომპანია Porsche-მ შექმნა. გერმანულმა ავტომწარმოებელმა პროექტზე ამერიკულ კინოსტუდია Lucasfilm-თან ერთად იმუშავა. ფილმის პრემიერამდე ერთი კვირით ადრე, Porsche-მ ვიდეო გამოაქვეყნა, რომელშიც ხომალდის კონცეფციაზე მუშაობის პროცესია ნაჩვენები.
Star Wars-ის ფუტურისტული საჰაერო ხომალდი Porsche-ს ახალი ელექტრო ავტომობილით - Taycan-ით არის შთაგონებული. როგორც ცნობილია, ფილმში გამოყენებული საჰაერო ხომალდის კონცეპტი ლოს-ანჯელესში, Star Wars: The Rise of Skywalker-ის პრემიერაზე იქნება წარმოდგენილი.
როგორც Porsche-ს დიზაინერმა მაიკლ მაუერმა განაცხადა, ავტომოყვარული მაყურებელი Star Wars-ის ხომალდის დანახვისას, ახალი საკულტო მოდელის - Taycan-ის ვიზუალურ ელემენტებს მაშინვე ამოიცნობს. აღსანიშნავია, რომ Star Wars-ის სამყაროში გამოყენებული ბევრი ხომალდის დიზაინიც, სხვადასხვა რეალური მოდელით არის შთაგონებული.

გამოიწერეთ გვერდი