ბორჯომ-ხარაგაულის ეროვნული პარკის ფეისბუქის გვერდზე სულ ცოტა ხნის წინ ძალიან სახალისო ვიდეო გამოჩნდა — ტყეში განთავსებულმა ვიდეოხაფანგმა წყლის გუბეში ჩამომჯდარი პუტკუნა მურა დათვი გადაიღო.

თუმცა, თამამად შეგვიძლია ვთქვათ, რომ ეს გაიძვერა ცხოველი მალევე მიხვდა, რომ უთვალთვალებდნენ და უკანალის გასაგრილებლად უმალვე სხვა ადგილას გადაინაცვლა.

თუ კარგად დააკვირდებით, მიხვდებით, რომ დათვს რაღაც არ მოეწონა, დაეჭვებულმა მიმოიხედა და შესაშური სიფრთხილით უკან დაიხია.

და რა გასაკვირია? წყლის გუბეში გაგრილებისას ჩვენთვისაც რომ გადაეღოთ, ბუნებრივია, რომ ჩვენც ასე მოვიქცეოდით და სასწრაფოდ გავეცლებოდით ვიდეოხაფანგს.

გამოიწერეთ გვერდი