10 645 636
ნახვა
27
ვიდეო

ჰოლანდიური კომპანია მფრინავი ავტომობილის წარმოებას იწყებს

გაზიარება შექმენი ლუპი
მარტი 7, 2019
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია
2 - მომწონს
0 - არ მომწონს

ჰოლანდიურმა კომპანია PAL-V-მ ჟენევაში ავტომობილების გამოფენაზე მფრინავი ავტომობილის-Liberty Pioneer-ის სერიული მოდელი წარმოადგინა. Liberty Pioneer-ს მფრინავ აპარატად გადაკეთებისთვის სულ 5-10 წუთი სჭირდება. ტრასაზე ავტომობილი 160 კმ/სთ-ით მოძრაობს, ჰაერში კი მაქსიმალური სიჩქარე 180 კმ/სთ-ია. სამბორბლიანი ტრანსპორტში ორი ადამიანი თავსდება.
Liberty Pioneer-ს განსაკუთრებული ინფრასტრუქტურა არ სჭირდება. პარკირებისთვის ჩვეულებრივი ავტოფარეხიც გამოდგება. ავტომობილისთვის აუცილებელი არ არის ასაფრენ-დასაფრენი ზოლი. ის მარტივად ახერხებს გაზონზე ან ასფალტზე დაჯდომას. ავარიული დაშვების შემთხვევაში ავტომობილს 30 მეტრიანი მონაკეთიც ეყოფა. Liberty Pioneer სტანდარტულ საწვავს იყენებს, ასე რომ ბენზინის ჩასხმა ნებისმიერ ავტოგასამართ სადგურზეა შესაძლებელი. ბოლომდე შევსებული ავზით ავტომობილი 1314 კილომეტრის გაივლის, ჰაერში კი 400 კილომეტრის დაფარავს.
ჰოლანდიურ კომპანიაში აცხადებენ,რომ Liberty Pioneer-ის ასათვისებლად 40 საათიც საკმარია. მფრინავი ავტომობილის მართვისთვის პილოტს სპეციალური ლიცენზია დასჭირდება. სერიული მოდელი შეზღუდული რაოდენობით გამოვა. ჰოლანდიური კომპანია 90 ეგზემპლარის დამზადებას გეგმავს. კომპანიის ხელმძღვანელის რობერტ დინგემანსის განცხადებით, ნებისმიერი ადამიანი ვინც ამ ავტომობილს შეიძენს, სატრანსპორტო რევოლუციის მონაწილე იქნება. თუმცა Liberty Pioneer-ს შეძენა მსურველს სოლიდური თანხა დაუჯდება. მფრინავი ავტომობილის ღირებულება 600 ათასი დოლარია.

მაჩვენე მეტი
ტეგები : #Tech #ფაქტები #ავტომოტო #ტექნოლოგია #WorldNews #popx #popxge