კახეთის მხარეში სახელმწიფო რწმუნებულის ადმინისტრაციის ინფორმაციით, თელავში სასწავლო აეროდრომმა "მიმინომ“ შესაძლოა უახლოეს მომავალში შიდა ფრენები განახორციელოს. “თელავში არსებულ სასწავლო აეროდრომ „მიმინოზე“ შიდა ფრენების განსახორციელებლად მოლაპარაკებები ერთ-ერთ კომპანიასთან მიმდინარეობს. ამ ეტაპზე კონკრეტულ ინფორმაციას ვერ გავაჟღერებთ," – განაცხადა კახეთის გუბერნატორა ირაკლი ქადაგიშვილმა. ცნობისთვის, თელავის აეროპორტი "მიმინო," სრულად სერტიფიცირებულია კატეგორიით, რომელსაც 5 500 კილოგრამამდე საჰაერო ხომალდის მიღება შეუძლია. „მიმინო“ ამჟამად საქართველოს საავიაციო უნივერსიტეტის ბალანსზეა.

05.02.2019