ახალგაზრდა ქალი მის არასრულწლოვან შვილზე შესაძლო ძალადობის საქმის დროულ გამოძიებას ითხოვს. 15 წლის გოგონას დედა ამბობს, რომ საქმე გაუპატიურების მუხლით მარტში აღიძრა, თუმცა სამართალდამცველებმა დეტალების მოკვლევა ცხრა თვის შემდეგ დაიწყეს.
მეათეკლასელი გოგონა გვიყვება, რომ თანაკლასელმა ბიჭმა მასზე გასული წლის დეკემბერში იძალადა. დაზარალებულის თქმით, თანატოლი დანით ემუქრებოდა, რომ მომხდარის შესახებ, არავისთვის მოეყოლა, რის გამოც გოგონა ამბავს რამდენიმე თვე მალავდა.