ოკუპირებული ცხინვალის იზოლატორში მყოფი მაია ოთინაშვილის დედის, გალინა ქელეხსაევას ინფორმაციით, მისი შვილი ნაცემია. გალინა ქელეხსაევა ვარაუდობს რომ სწორედ ამ მიზეზის გამო არავის, მათ შორის ნათესავებს არ აძლევენ ცხინვალის იზოლატორში დაკავებულის ნახვის უფლებას და პატიმრობიდან გათავისუფლებასაც ამიტომ აჭიანურებენ, რომ ძალადობის კვალი წაიშალოს. გალინა ქელეხსაევას ინფორმაციით, მისმა შვილმა საოკუპაციო ძალების წარმომადგენლებს წინააღმდეგობა დაკავებისას გაუწია, რის გამოც სცემეს. დაკავებულის დედა ვარაუდობს, რომ მაია ოთინაშვილს ფიზიკური შეურაცხყოფა მიაყენეს ცხინვალში გადაყვანის შემდეგაც. გალინა ქელეხსაევა „წითელი ჯვრის“ კომიტეტის წარმომადგენლებს თხოვს, მისი ქალიშვილის ნახვა მოახერხონ. თუმცა ამ ეტაპზე საოკუპაციო რეჟიმის რუსების მიერ შექმნილი ეგრეთწოდებული იზოლატორში სესვლას ვერც წითელი ჯვრის წარმომადგენლები ახერხებენ.

✔️ ყველა სიახლე იხილეთ ბმულზე: https://goo.gl/1H1b91