რიო დე ჟანეიროში ბრაზილიის ეროვნული მუზეუმი, გუშინ ღამით მთლიანად დაიწვა.

ცეცხლი შენობას მაშინ მოედო როცა ვიზიტორებისთვის დაკეტილი იყო. ხანძარი მთლიანად მოედო მუზეუმს და იქ არსებული 20 მილიონამდე ექსპონანტი მთლიანად გაანადგურა.

CNN-ის ინფორმაციით, ცეცხლის ჩაქრობას შვიდი სხვადასხვა სადგურიდან მობილიზებული მეხანძრეები მთელი ღამის მანძილზე ცდილობდნენ, თუმცა 200-წლიანი ისტორიის მქონე შენობის გადარჩენა ვერ მოხერხდა. ქვეყნის პრეზიდენტ მიშელ ტემერის თქმით, დანაკარგი იმდენად დიდია, რომ მისი აღრიცხვა გართულდება.

პრეზიდენტმა ასევე აღნიშნა, რომ :“ეროვნული მუზეუმის კოლექციის განადგურება ბრაზილიისთვის აუნაზღაურებელი დანაკარგია. 200-წლიანი შრომა, კვლევა და დაგროვილი ცოდნა დაიკარგა”.