ჯონ მაკკეინის გამოსამშვიდობებელ ცერემონიაზე დასასწრებად ვაშინგტონში ჩავიდა საქართველოს მესამე პრეზიდენტი. მიხეილ სააკაშვილის თქმით, "საქართველომ დაკარგა უკანასკნელი დიდი მეგობარი".
„სენატორი მაკკეინი ძალიან ახლო მეგობარი იყო. მე ძალიან ბევრჯერ ვყოფილვარ მასთან სახლში, მის რანჩოზე არიზონაში, ის - ჩემთან, ვენახში. ჩვენ გვქონდა ბევრად მეტი ურთიერთობა. ვიდრე პოლიტიკაში შეიძლება. იყოს. ჩვენ გვქონდა ნამდვილი სულიერი კავშირი. მან თავის დროზე. ჰილარი კლინტონთან ერთად ნობელის პრემიაზე დამასახელა. ძალიან ბევრ კომპლიმენტებს მეუბნებოდა ხოლმე. მაგალითად, მახსოვს კარგად 2010-ში რომ ჩამოვიდა. ჩემს თანაშემწეებს ჰკითხა, თქვენ ხვდებითო, რომ მიშა არის თქვენი რეგიონის ჩერჩილიო. სინამდვილეში მე მიმაჩნია, რომ თანამედროვე ჩერჩილი იყო სწორედ მაკკეინი და სხვათა შორის, ქართული ღვინის ემბარგო რომ იყო, დიდი მსმელი არ იყო მაკკეინი, მაგრამ მან დაიწყო ქართული ღვინის სმა და ყველას სთავაზობდა, ეს არის თავისუფლების ღვინოო და მე მინდა, დღეს ქართველებმა შესვან მისი შესანდობარი სწორედ ქართული ღვინით. საქართველომ დაკარგა უკანასკნელი დიდი მეგობარი. საერთოდ აღარ ახსენებენ საქართველოს, საქართველო გაქრა რადარიდან. ივანიშვილმა მიაღწია თავის მიზანს - საქართველო სიტყვა უხსენებლივით გახდა. კატასტროფა ხდება,“ - განაცხადა მიხეილ სააკაშვილმა.