56 552 805
ნახვა
4 690
ვიდეო

''მე დემოკრატი ვარ და მე მიყვარს ჯონ მაკკეინი'' - ჯო ბაიდენმა მაკკეინის პანაშვიდზე ცრემლი ვერ შეიკავა

გაზიარება
აგვისტო 31, 2018
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია
3 - მომწონს
1 - არ მომწონს

მე ჯო ბაიდენი ვარ, მე „დემოკრატი“ ვარ და მე მიყვარს ჯონ მაკკეინი, - სენატორ ჯონ მაკკეინის პანაშვიდზე ასე დაიწყო თავისი გამოსვლა აშშ-ს ყოფილმა ვიცე-პრეზიდენტმა ჯო ბაიდენმა.

„განვლილ გზას რომ ვუყურებ, შემიძლია ვთქვა, რომ ჯონ მაკკეინს ძმად მივიჩნევდი. მე შემეძლო ჯონ მაკკეინისთვის ჩემი სიცოცხლე მენდო და ვფიქრობ, მასაც შეეძლო თავისი სიცოცხლე ჩემთვის მოენდო. როდესაც რამე პრობლემა მქონდა, ჯონი ყოველთვის პირველი იყო, ვინც რჩევით მოვიდოდა. როდესაც რამე საარჩევნო კამპანიას ვატარებდი, მას შეეძლო დაერეკა და გავეკრიტიკებინე თუ რა და როგორ განვაცხადე. ჯონ მაკკეინი ჩემთვის ასახიერებდა მთავარ ღირებულებებს: სამართლიანობა, კეთილსინდისიერება და ღირსება“, - განაცხადა ჯო ბაიდენმა.

სიტყვით გამოსვლისას ჯო ბაიდენმა ემოციები ვერ შეიკავა და ატირდა.

„არის მომენტები, როდესაც ცხოვრება ძალიან სასტიკი და ბრმაა, როდესაც რთულია რამის დანახვა. ეს რომ გადავიტანოთ, ჩვენ უნდა გვახსოვდეს ჩვენსგან წასულები როგორ ცხოვრობდნენ და არა ის, თუ როგორ გარდაიცვალნენ“, - განაცხადა აშშ-ს ყოფილმა ვიცე-პრეზიდენტმა.

ჯო ბაიდენმა ასევე გააჟღერა პოლიტიკური გზავნილი. მან აღნიშნა, თუ რაოდენ შეიცვალა სენატი მას შემდეგ, რაც ის და მაკკეინი პოლიტიკაში მოვიდნენ.
„დღეს უკვე რთულია კონსენსუსის მიღწევა. რასაც დღეს ვაკეთებთ არის ის, რომ თავს ვესხმით ერთმანეთის მოტივებს და არა არგუმენტების არსს“, - აღნიშნა ჯო ბაიდენმა.

დღეს ჯონ მაკკეინის ცხედარს ვაშინგტონში აშშ-ს კაპიტოლიუმში გადაასვენებენ. მისი დაკრძალვა კი კვირას 2 სექტემბერს გაიმართება.

მაჩვენე მეტი
ტეგები : #GDNEWS #პოლიტიკა
Georgian Daily News-ის აპლიკაცია