ბათუმში დაბადებულ მომღერალს, ვალერი მელაძეს საქართველოს მოქალაქეობის მიღება სურს. ამ თხოვნით მან იუსტიციის სამინისტროსაც მიმართა. მელაძემ 18-19 აგვისტოს, ბათუმში, ბუბა კიკაბიძის საიუბილეო კონცერტში მიიღო მონაწილეობა. ვიდეოში, რომელიც „ინსტაგრამზე“ გამოაქვეყნა, ამბობს, რომ სამშობლოშია. რადიოსადგურ „Говорит Москва“ -ს კი მომღერალმა განუცხადა, რომ საქართველოს მოქალაქეობის მიღების იმედი აქვს:„ამ ფაქტს არ ვმალავ. თუმცა, ეს რუსეთის მოქალაქეობაზე უარის თქმას არ ნიშნავს. ჩემი ქმედებები რუსეთისა და საქართველოს კანონებს არ ეწინააღმდეგება“, - განაცხადა მელაძემ.