გერმანიის მთავრობის პრესსამსახური ანგელა მერკელის საქართველოში ვიზიტის შესახებ ოფიციალურ ინფორმაციას ავრცელებს. გერმანიის მთავრობის ვებგვერდზე გამოქვეყნებული განცხადების თანახმად, 23-25 აგვისტოს გერმანიის კანცლერი სამხრეთ კავკასიის სამ სახელმწიფოს – საქართველოს, სომხეთსა და აზერბაიჯანს ეწვევა. „მოლაპარაკებების დროს განხილული იქნება ორმხრივი ურთიერთობები და ეკონომიკური კავშირები, ასევე ევროპული და საგარეო პოლიტიკის საკითხები“, – აღნიშნულია გერმანიის მთავრობის პრესსამსახურის მიერ გავრცელებულ განცხადებაში. ანგელა მერკელი საქართველოს ოფიციალური ვიზიტით 23 აგვისტოს ეწვევა. საქართველოდან კი მერკელი სომხეთში გაემგზავრება.

✔️ ყველა სიახლე იხილეთ ბმულზე: https://goo.gl/1H1b91