საკონსტიტუციო სასამართლოს, მისი გადაწყვეტილებების გამო, ხელისუფლებაში ადრეც აკრიტიკებდნენ, მაგრამ მის გაუქმებას უმრავლესობის ზოგიერთმა დეპუტატმა და სასულიერო პირებმა პირველად ღიად დაუჭირა მხარი იმ გადაწყვეტილების შემდეგ, რომელიც მარიხუანის მოხმარების ლეგალიზაციას ადგენს. „ქართული ოცნების“ დეპუტატ მირიან წიკლაურის პათოსი უმრავლესობის სხვა დეპუტატებმაც გაიზიარებს, თუმცა მისგან განსხვავებით, საკონსტიტუციო სასამართლოს გაუქმების იდეას მიამიტური უწოდეს. სიმონ ნოზაძემ, მაგალითად, ამ გადაწყვეტილებას „პიროვნების თავისუფალი დეგრადირების უფლება უწოდა, ბექა ნაცვლიშვილის სიტყვებით კი, „სასამართლომ სრულ აბსურდში შეიყვანა ქვეყანა“. დეკანოზებმა დავით ქვლივიძემ და დავით ნოზაძემ საკონსტიტუციო სასამართლოს მოსამართლეებისგან ბოდიშის მოხდაც მოითხოვეს.