საარტილერიო სწავლება ვაზიანის სასროლეთზე
ვაზიანის სასროლეთზე საბრძოლო სროლებით I საარტილერიო ბრიგადის ბუქსირებადი საარტილერიო საშუალება ,,მსტა" ბატალიონის საველე სწავლება გაიმართა. დღევანდელი სწავლებით 72-საათიანი ტაქტიკური საველე კომპლექსური სწავლება დასრულდა. საბრძოლო სროლებში I საარტილერიო ბრიგადის ჰაერსაწინააღმდეგო ქვედანაყოფმაც მიიღო მონაწილეობა.
საველე სწავლების მსვლელობისას ,,მსტა" ბატალიონის II ბატარეამ საველე ბანაკში, დროებით დისლოკაციის ადგილზე, ოპერატიული (სასწავლო) ბრძანება მიიღო და დაამუშავა. შემდეგ, II ბატარეამ, სადაზვერვო და ჰაერსაწინააღმდეგო ჯგუფებმა საცეცხლე და სათვალთვალო პოზიციები დაიკავეს და საბრძოლო ამოცანები შეასრულეს. სწავლების დასასრულს სამხედრო მოსამსახურეთა მოქმედება მაკონტრელებელი ჯგუფის მიერ შეფასდა.
I საარტილერიო ბრიგადის საბრძოლო სროლებს სახმელეთო ჯარების აღმოსავლეთ სარდლობის ხელმძღვანელობა დააკვირდა.