ლელა ჩიქოვანის ორმხრივი შეხვედრა ბრიტანელ დიპლომატთან
ბათუმში მიმდინარე „საქართველოს ევროპული გზა“ კონფერენციის ფარგლებში, საქართველოს თავდაცვის მინისტრის პირველმა მოადგილემ ლელა ჩიქოვანმა გაერთიანებული სამეფოს საგარეო საქმეთა სამინისტროს აღმოსავლეთ ევროპისა და ცენტრალური აზიის მიმართულების დირექტორთან რუპერტ ეინლისთან ორმხრივი შეხვედრა გამართა.
შეხვედრის დასაწყისში ლელა ჩიქოვანმა საქართველოს მიმართ გაერთიანებული სამეფოს მტკიცე პოლიტიკური და პრაქტიკული მხარდაჭერისთვის მადლობა გადაუხადა. განსაკუთრებული ყურადღება დაეთმო უორდროპის დიალოგს და მომავალ პლენარულ სესიას, რომელიც თბილისში გაიმართება. მხარეებმა ასევე ისაუბრეს საქართველოსა და გაერთიანებულ სამეფოს შორის თავდაცვის სფეროში არსებული ორმხრივი თანამშრომლობის მიმართულებებზე.