საქართველოს თავდაცვის სამინისტრო საკონტრაქტო სამხედრო სამსახურში მიღებასთან დაკავშირებით საინფორმაციო კამპანიას აგრძელებს. საქართველოს შეიარაღებული ძალების წარმომადგენლები ამჯერად ქალაქ ახალციხის მოსახლეობას შეხვდნენ, რომლებსაც საკონტრაქტო სამსახურის პირობები და ჩარიცხვის კრიტერიუმები გააცნეს. ჯარისკაცებმა მათ სპეციალურად მომზადებული საინფორმაციო ბროშურები და თავდაცვის სამინისტროს გაზეთები დაურიგეს, ასევე გააცნეს ის უპირატესობები, რაც ოთხწლიან საკონტრაქტო სამხედრო სამსახურს უკავშირდება.

საინფორმაციო კამპანია პარალელურად ქვეყნის მასშტაბით, სხვადასხვა რეგიონში მიმდინარეობს.