საქართველოს თავდაცვის მინისტრის ლექცია უნივერსიტეტში
საქართველოს პირველი დემოკრატიული რესპუბლიკის 100 წლის საიუბილეო ღონისძიებების ფარგლებში საქართველოს თავდაცვის მინისტრი ლევან იზორია სტუდენტებს შეხვდა.
უწყების ხელმძღვანელმა ივანე ჯავახიშვილის სახელობის თბილისის სახელმწიფო უნივერსიტეტში თემაზე „საქართველო თავდაცვისა და უსაფრთხოების თანამედროვე გამოწვევების პირისპირ“ ლექცია წაიკითხა. თავდაცვის მინისტრმა სტუდენტებს საქართველოს თავდაცვისუნარიანობის გაძლიერების მიზნით განხორციელებული და დაგემილი რეფორმები გააცნო. ლევან იზორიამ ვრცლად ისაუბრა ქვეყნის წინაშე არსებულ გამოწვევებზე, შეკავების პოლიტიკის მნიშვნელობაზე, ნატოში ინტეგრაციის პერპექტივებსა და ტოტალურ თავდაცვაზე.
მინისტრის განმარტებით ტოტალური თავდაცვა მხოლოდ სამხედრო კომპონენტს არ მოიცავს და თავდაცვისუნარიანობის გაზრდის პროცესში მოქალაქეთა აქტიური ჩართულობა უმნიშვნელოვანესია. შეხვედრა კითხვა-პასუხით დასრულდა. ნატოში გაწევრიანების შესაძლებლობების, ქვეყნის წინაშე არსებული საფრთხეების , რეზერვის ახალი კონცეფციისა და სამოქალაქო თავდაცვის შესახებ დასმულ კითხვებზე , სტუდენტებმა პასუხები მინისტრისგან მოისმინეს.