თავდაცვის სამინისტროს გიორგი აბრამიშვილის სახელობის სამხედრო ჰოსპიტალსა და ვეტერანების საქმეთა სახელმწიფო სამსახურს შორის ურთიერთთანამშრომლობის მემორანდუმი გაფორმდა. დოკუმენტს ხელი სამხედრო ჰოსპიტალის დირექტორის მოვალეობის შემსრულებელმა დავით ბარლიანმა და ვეტერანების საქმეთა სახელმწიფო სამსახურის დირექტორმა ვლადიმერ იმნაძემ მოაწერეს.
თანამშრომლობის ფარგლებში სამხედრო სამედიცინო ცენტრი ომისა და სამხედრო ძალების ვეტერანებისა და მათი ოჯახის წევრების სამედიცინო მომსახურებას უზრუნველყოფენ, მხარეები ერთმანეთს რეკომენდაციებსაც გაუწევენ და საკუთარ გამოცდილებას გაუზიარებენ.
მემორანდუმი სამხედრო ჰოსპიტალისა და ვეტერანების საქმეთა სახელმწიფო სამსახურის დებულებებზე და საქართველოს კანონმდებლობაზე დაყრდნობით გაფორმდა.