ი "პოსტსკრიპტუმი" ესაუბრა იმ კომპანიის წარმომადგენლებს, რომლებმაც გუდაურის საბაგიროები ორი დღის წინ მომხდარ შემთხვევამდეც შეამოწმა და მალევე ამ ინციდენტის შემდეგაც. ექსპერტის განმარტებით, საბაგიროს ორი მუხრუჭი იცავს, ე.წ. "მუშა მუხრუჭი" და მეორე, "ავარიული მუხრუჭი". პირველადი შეფასებით, "ავარიული მუხრუჭი" ძაბვის ვარდნის გამო ამოქმედდა და საბაგირო ავტომატურად შეაჩერა. მომსახურე პერსონალი გენერატორს ქოქავდა და ამას წუთზე მეტი დასჭირდა. შეჩერებულ საბაგიროს მოქმედება ისევ რომ დაეწყო, ოპერატორს ის მართვის პულტიდან გენერატორის დენზე უნდა გადაერთო და "ავარიული მუხრუჭიც" გაეხსნა. ვინაიდან "ავარიული მუხრუჭი" ახლა ჩაკეტილი არ არის, სავარაუდოდ, ოპერატორმა მისი გახსნა მოახერხა, მაგრამ ამ დროს ბაგირი აღარ დაიჭირა პირველადმა "მუშა მუხრუჭმა" და ბაგირი უკუღმა, ინერციით დატრიალდა.

ლაშა კვესელაძე, ალექსანდრე თვარაძე, ნოდარ ჭადაშვილ