თავდაცვის დაგეგმვის კურსი დაიწყო
თავდაცვის ინსტიტუციური აღმშენებლობის სკოლის (DIB) ორგანიზებითა და ნატოს სამეკავშირეო ოფისის მხარდაჭერით, უსაფრთხოების სფეროს წარმომადგენლებისთვის თავდაცვის დაგეგმვის კურსი იმართება. ტრენინგი საქართველოში ნატოს სამეკავშირეო ოფისის ხელმძღვანელმა, როზარია პულისმა და თავდაცვის სამინისტროს თავდაცვის პოლიტიკისა და განვითარების დეპარტამენტის უფროსმა, შალვა ძებისაშვილმა გახსნეს, მის მნიშვნელობაზე ისაუბრეს და მონაწილეებს წარმატებები უსურვეს.
ხუთი დღის განმავლობაში ამერიკელი პროფესორი, ტომას იანგი მსმენელებს თავდაცვის სფეროში დაგეგმვის პროცესში არსებულ გამოწვევებზე, პრიორიტეტებზე, მოსალოდნელ სირთულეებსა და გასათვალისწინებელ ფაქტორებზე ინფორმაციას მიაწოდებს და გამოცდილებას გაუზიარებს. ტრენინგის ფარგლებში საუბარი შეეხება ოპერატიული და სტრატეგიული დაგეგმვის საჭიროებას, პოლიტიკური და სამხედრო კომპონენტების დაგეგმვის პროცედურებსა და მათ სპეციფიკას.