საქართველოში ოფიციალური ვიზიტით მყოფი შვედეთის თავდაცვის მინისტრი გმირთა მოედანზე იმყოფებოდა. პიტერ ჰულტქვისტმა საქართველოს ტერიტორიული მთლიანობისთვის ბრძოლაში დაღუპული ქართველი გმირების ხსოვნას პატივი მიაგო და მემორიალი გვირგვინით შეამკო.
გმირთა მოედანზე შვედეთის თავდაცვის მინისტრთან ერთად საქართველოს შეიარაღებული ძალების გენერალური შტაბის უფროსის მოადგილე, ბრიგადის გენერალი შალვა ჯაბახიძე იმყოფებოდა.
შვედეთის თავდაცვის მინისტრი ოფიციალური ვიზიტის ფარგლებში ქართველ კოლეგას უკვე შეხვდა.