2015 წელი იდგა, როცა ექსტრემისტების ჯგუფი „ისლამური სახელმწიფო - ხორასნის პროვინცია“ შეუდგა აღმოსავლეთ ავღანეთში ახალი წევრების, მათ შორის ბავშვების, შეგროვებას. ორი ძმა - მაშინ 9 და 16 წლის ბიჭები - იხსენებს, რომ ექსტრემისტები ორი წელი წვრთნიდნენ, ამზადებდნენ თვითმკვლელი ამფეთქებლების მისიისათვის, მაგრამ მათ შეძლეს მამასთან ერთად გაქცეულიყვნენ. ნანგარჰარის პროვინციაში, სადაც ახლა ცხოვრობენ, ბიჭებმა „ამერიკის ხმის“ კორესპონდენტს უამბეს, რა გადახდათ თავს.