8 თებერვალს თბილისში გაიმართა „ჰერიტიჯის ფონდის“ დუგლას და სარა ელისონების სახელობის საგარეო პოლიტიკის ცენტრის დირექტორ ლუკ კოფის მოხსენების - „ნატოს წევრობა საქართველოსთვის: აშშ-ისა და ევროპის ინტერესებში“ - პრეზენტაცია. დოკუმენტის განხილვაში მონაწილეობდნენ: იან კელი, აშშ ელჩი საქართველოში, მიხეილ ჯანელიძე, საქართველოს საგარეო საქმეთა მინისტრი და ბათუ ქუთელია, „საქართველოს ატლანტიკური საბჭოს“ ვიცე-პრეზიდენტი. ვრცელ ინფორმაციას დისკუსიის შესახებ მოგვიანებით შემოგთავაზებთ. ლუკ კოფიმ რადიო თავისუფლებას განუმარტა საქართველოს ნატოში გაწევრიანების საკითხზე მოხსენებაში შემოთავაზებული იდეა.