სანკტ პეტერბურგში, კრასნოგვარდისკის რაიონში პოლიციამ ბოროტმოქმედები დააკავა, რომლებიც მაღაზიის დაღაჩაღების შემდეგ ავტომობილით მიმალას ცდილობდნენ. ინფორმაციას ამის შესახებ რუსული მედია ავრცელებს რუსული მედიის ცნობით, მაღაზიის დამყაჩაღებლებმა მიმალვისას წითელ შუქზე გაიარეს და შემხვედრ ავტომობილს დაეჯახნენ, რის შემდეგაც დადევნებულ პოლიციას ცეცხლი გაუხსნეს. შედეგად ერთი პოლიციელი დაიჭრა, საპასუხო სროლისას მძიმედ დაიჭრნენ ბოროტმოქმედებიც, საქართველოს მოქალაქე 45 წლის ვალერი მელნიკოვს 3 ტყვია მოხვდა, ის უკვე იყო ქურდობისთვის მსჯავრდებული და სასჯელი 2012 წელს მოიხადა. მძიმედ არის დაჭრილი მეორე 37 წლის პირიც, დაღესტნის მაცხოვრებელი გვარად აბდულაღაპოვი. მესამე პირი, რომელიც გამოძიების ინფორმაციით აზერბაიჯანელია, ადგილიდან მიიმალა. მათ ავტომობილში სამართალდამცავებმა ნაქურდალი ნივთები, 60 მილიონი რუბლის ღირებულების ძვირფასეულობა აღმოაჩინეს.