ვაზიანში IV მექანიზებულ ბრიგადაში სახმელეთო ჯარების აღმოსავლეთ სარდლობის წლის შემაჯამებელი ბრიფინგი გაიმართა. შეხვედრა სახმელეთო ჯარების აღმოსავლეთ სარდალმა, ბრიგადის გენერალმა შავლეგო ტაბატაძემ გახსნა.
2017 წლის შემაჯამებელ ბრიფინგზე აღმოსავლეთ სარდლობის შტაბმა განხორციელებული სამუშაოებისა და სამხედრო სწავლებების შესახებ დეტალური ანგარიში წარმოადგინა. შეხვედრას აღმოსავლეთ სარდლობის სხვადასხვა ქვედანაყოფის ხელმძღვანელი პირები დაესწრნენ. შემაჯამებელ ბრიფინგზე ოფიცრებმა მომავალი წლის დაგეგმილი სამუშაოები და პრიორიტეტული მიმართულებები განიხილეს.
შეხვედრის დასრულების შემდეგ ბრიგადის გენერალმა შავლეგო ტაბატაძემ სახმელეთო ჯარების აღმოსავლეთ სარდლობის საუკეთესო სერჟანტ-ოფიცრებს მადლობის სიგელები და სამახსოვრო საჩუქრები გადასცა.