რატომ არ დაუდგა გვერდში მეგობარ უცნობს პრემიერ-მინისტრი, როდესაც მან ხელისუფლებაში კორუფცია დაანახა ან რით ვერ დაინახა თავადაც აქამდე, თუკი კორუფციაზე, წლებია, მიუთითებს მედიაც, არასამთავრობოებიც და ოპოზიციაც? უცნობი აცხადებს, რომ პრემიერის მხარდაჭერა აღარც სჭირდება, მის მხილებას ადეკვატური პროცესი პარლამენტში მოჰყვა და უმრავლესობა გახლიჩა. უცნობის სიძე, სიტროენ-ჯორჯიას მფლობელი აცხადებს, რომ ეს ბრძოლის მხოლოდ დასაწყისია და ხელისუფლებას წინ დიდი სიურპრიზები ელის, მათ შორის, მრავალმილიონიანი ჯარიმის მისი კომპანიის დაჩაგვრის გამო; პრემიერი იმუქრება, რომ თუკი ტენდერებში უკანონობა დადასტურდა, გადადგება. მთავრობის ყოფილი მრჩეველი გია ხუხაშვილი კი გადადგომას მას უკვე დღეს ურჩევს, ამბობს, რომ კვირიკაშვილი თანამდებობას აშკარად არ შეეფერება.

აკაკი გოგიჩაიშვილი, თამთა ჩიტიშვილი, გიორგი დულარიძე