გაერთიანებული სატელეკომუნიკაციო კომპანიის აქციონერები სილქნეტის წინააღმდეგ. მთავარ პროკურატურასთან აქციონერებმა საპროტესტო აქცია გამართეს. მათი თქმით, 2008 წელს, როდესაც სატელეკომუნიკაციო კომპანია სილქნეტმა შეიძინა, ხელმძღვანელობამ კომპანია ხელოვნურად გააკოტრა. შედეგად, აქციონერების წილი ძალადაკარგულად გამოცხადდა. აქციის მონაწილეებმა მთავარ პროკურორთან შეხვედრა მოითხოვეს. როგორც მოქალაქეები აცხადებენ, საგამოძიებო უწყებას მათ საქმის გამოძიების მოთხოვნით ჯერ კიდევ 2013 წელს მიმართეს, თუმცა საქმე ამ დრომდე რეაგირების გარეშეა დარჩენილი.