საქართველოში მცხოვრებ ბოშებს ID ბარათისა და დაბადების მოწმობის აღების სურვილი აქვთ, თუმცა დოკუმენტაციის მიღებას ვერ ახერხებენ, - ამის შესახებ ინფორმაციას არასამთავრობო ორგანიზაცია „ადამიანის უფლებების განვითარების ფონდი“ ავრცელებს.

ორგანიზაცია ბოშათა მდგომარეობას 7 თვის განმავლობაში „მოქალაქეობის არმქონე ბოშათა მხარდაჭერის პროექტის“ ფარგლებში იკვლევდა, კვლევის შედეგების პრეზენტაცია დღეს გაიმართა.

მოსახლების საყოველთაო აღწერის მიხედვით, საქართველოში 604 ბოშა ცხოვრობს, თუმცა კვლევის ავტორების მტკიცებით ქვეყანაში მცხოვრებ ბოშათა რეალური რაოდენობა 2000-ს აღემატება.