სააპელაციო სასამართლოსგან უარი მიიღო კიდევ ერთმა საარჩევნო სუბიექტმა. ახალი საქართველოს წარმომადგენლები ხმების გადათვლას და ისნის საოლქო საარჩევნო კომისიის წევრების პასუხისგებაში მიცემას ითხოვდნენ. მათი განმარტებით, შემაჯამებელ ოქმში არჩევნების დღეს, პარტიის კანდიდატს რეალურად გაცილებით მეტი ხმა ჰქონდა, ვიდრე შესწორებულ დოკუმენტში აისახა.

ისნის საოლქო საარჩევნო კომისიაში კი აცხადებენ, რომ ხმების ხელახალი გადათვლა კანონის ფარგლებში მოხდა.

სააპელაციო სასამართლომ, ახალი საქართველოს შემთხვევაშიც, პირველი ინსტანციის გადაწყვეტილება ძალაში დატოვა და პარტიის სარჩელი არ დააკმაყოფილა.