კიდევ ერთი ტრაგიკული შემთხვევა, სადაც ასევე პატრულის თანამშრომლები ფიგურირებენ.
დეპუტატის შვილის, ბექა ხახუბიას გარდაცვალების საქმეზე მოწმეების დაკითხვა დაიწყო. დღევანდელ პროცესზე ჩვენება მისცა ავარიის შედეგად დაღუპული ახალგაზრდის ძმამ, რომელმაც პატრულის თანამშრომლები უკანონო ქმედებებში დაადანაშაულა. თავად პატრულის თანამშრომლები ბრალს ამ დრომდე არ აღიარებენ. მათი ადვოკატი რამდენიმე საეჭვო გარემოებაზე საუბრობს და აინტერესებს, იყო თუ არა ბექა ხახუბია ავტოსაგზაო შემთხვევამდე მთაწმინდის საპატრულო პოლიციის მიერ დაკავებული და რა ვითარებაში მოხდა მისი გათავისუფლება.
შეგახსენებთ, რომ გორის გვირაბთან ავარია 17 მაისს მოხდა. საგამოძიებო მასალების მიხედვით, ხახუბიას მანქანა იმ ტრაილერს დაეჯახა, რომელიც ახალგაზრდის შესაჩერებლად პატრულის თანამშრომლებმა გვირაბთან ახლოს დააყენეს.
პროკურატურა საპატრულო პოლიციის სამ თანამშრომელს გაუფრთხილობლობით სიცოცხლის მოსპობასა და სამსახურებრივი უფლებამოსილების გადამეტებაში ადანაშაულებს.