ანაკლიის პორტი პირველ გემებს სამ წელიწადში მიიღებს, - ამის შესახებ ანაკლიის განვითარების კონსორციუმის გენერალურმა დირექტორმა, ლევან ახვლედიანმა განაცხადა. ახვლედიანის თქმით, ინვესტიციების მოზიდვის მიზნით, ნოემბრის ბოლოს აზიაში მნიშნელოვანი ვიზიტია ჩანიშნული.
„დაახლოებით წელიწადნახევრის მანძილზე ჩავატარეთ ძალიან ბევრი გეოტექნიკური კვლევა და აქტიურად ვიმუშავეთ. ასევე, დიზაინთან მიმართებაში გეოტექნიკური კვლევების შედეგების მეშვეობით, გენგეგმასთან დაკავშირებით ვიმუშავეთ. ჩატარდა კვლევები და გაკეთდა უზარმაზარი დოკუმენტი, რომელიც მთავრობას წარვუდგინეთ. გაზაფხულზე, კერძოდ მაისში გვინდა, რომ დავიწყოთ პორტის დაღრმავება. გვაქვს აღებული ვალდებულება, რომ მშენებლობის დაწყებიდან, ანუ 20 დეკემბრიდან სამ წელიწადში შევძლებთ პირველი გემების მიღებას“, - განაცხადა ახვლედიანმა.