სტამბოლის სასამართლომ უფლებადამცველი ორგანიზაცია "ამნესთი ინთერნეიშენალის" 11 აქტივისტის წინააღმდეგ საქმის განხილვა დაიწყო.

მათ ტერორისტულ ორგანიზაციასთან კავშირში ედებათ ბრალი. განსასჯელის სკამზე "ამნესთი ინთერნეიშენალის "თურქეთის ბიუროს დირექტორი იდილ ესერი და გერმანიის მოქალაქე პიტერ შტოიდტნერიცაა.

დღემდე რვა მათგანი წინასწარ პატიმრობაში იმყოფება. პროკურატურა მათთვის 5-დან 15 წლამდე თავისუფლების აღკვეთას მოითხოვს. "ამნესთი ინთერნეიშენალი" დაკავებული თანამშრომლების გათავისუფლებას მოითხოვს, თუმცა პრეზიდენტი რეჯეფ თაიფ ერდოღანი, ორგანიზაციას ქვეყანაში მორიგი გადატრიალების მოწყობის მცდელობის მზადებაში ადანაშაულებს.